Fake Unleaded Gasoline Exposed on XXX

Mga mandaraya sa isang gasolinahan sa Laguna na umano’y nagbebenta ng pekeng premium gasoline sa kanilang mga customer ang titiktikan ni Julius Babao ngayong Lunes (Agosto 15) sa “XXX.”



Ekslusibong nakunan ng programa ang sinasabing pagma-magic ng unleaded gasoline na hinahaluan ng isang kemikal at sa isang iglap ay nagmumukha nang premium gasoline.



Mas mahal ang benta sa merkado ng premium, kung kaya’t walang takot na nanloloko ang mga ito.



Samantala, tututukan ni Pinky Webb ang aborsiyonistang nagpapanggap na hilot at isisawalat ni Anthony Taberna ang kabalastugan at ang pagawaan ng pekeng health permit sa Pasay.



Panoorin ang “XXX” ngayong Lunes (Agosto 15) pagkatapos ng “Bandila” sa ABS-CBN.

Pinky Webb Takes Action on a Hit and Run Victim on XXX

Akala siguro ng nagmamaneho ng Unicab bus na wumasak sa isang Toyota Vios kamakailan ay matatakasan niya ang paglabag na ginawa niya na hindi lang sumira sa pagmamay-aring kotse ng biktima, nagbigay pinsala pa sa katawan ng 13 taong gulang na anak nito.

Ito ang kasong tutukan ni Pinky Webb ngayong Lunes (June 27) sa “XXX.”

Ayon sa nagrereklamo, bigla daw sumulpot ang Unicab bus sa kalsada na naging dahilan pa kung bat nabundol pa ang kanyang sasakyan ng isa pang bus sa likuran.

Buti na lang at may concerned citizen na tumawag sa Skyway at ipinagbigay alam ang plaka ng rumaragasang bus. Sa tulong din ng CCTV sa Skyway, huling huli sa akto kung paano tinakbuhay ng naturang bus ang biktima.

Tunghayan ang buon kuwento ngayong Lunes (June 27) sa “XXX,” kasama rin sina Anthony Taberna at Julius Babao, pagkatapos ng “Bandila” sa ABS-CBN.